Musharaxa Madaxweynaha Xisbiga UDUB Aqoonyahan Jamaal Cali Xuseen Oo Tix Gabay Ah Kaga Jawaabay Siyaasadda Murugsan Ee UDUB Iyo Go’aanadii Rayaale

Gabaygan oo la yidhaa XAQ-SOOR waxa uu soo baxay March 29keedii, 2012 markii lay sheegay shirkii ay guddida fulinta ee xisbiga UDUB ku yeesheen guriga Gudoomiyaha xisbiga mudane Daahir Riyaalle Kaahin Hargeysa (HWN):- Aqoonyahan Jammaal Cali Xuseen ayaa tix Gabay ah oo la yidhaa XAQ-SOOR Kaga jawaabay marxaladda sirgacan ee uu haatan marayo xisbiga UDUB. Gabaygaasi iyo hordhac kooban oo  soo raaciyey ayaa wuxuu ku bilaabay sidan: Gabaygan waxa uu soo baxay March 29keedii, 2012 markii lay sheegay shirkii ay guddida fulinta ee xisbiga UDUB ku yeesheen guriga Gudoomiyaha xisbiga mudane Daahir Riyaalle Kaahin. Halkaasoo uu mudane Riyaalle uu go’aamo ugu sheegayey isagoo laalaaya go’aamaddii ka horeeyay ee guddida fulintu ay si aqbaliyad ah hore ugu gaadheen markii uu isagu dalka kaga maqnaa wadankaasi Faransiiska. Ficilkaa gudoomiyahuna waa mid ka baxsan xeerka Xisbiga oo guddida fulinta waxa laali kara go’aankooda uun shirweyne xisbi oo la sameeyo. Haddaba in badan baan ka aamusnaa khilaafkan xisbiga oo aan ixtiraam muujiyey inkastoo laygu gardarooday oo hadalo deel-qaaf ah saaxaafadda ay ka mariyeen masuuliyiinta kale hawgu horeeyo gudoomiyaha Xisbiga Mudane Riyaalle oo markaasi Paris joogay isagoo idaacaddaha siinaayey waraysiyo lid igu ah aniga runtiina fajaciso igu noqotay maadaama uu Riyaalle yahay ninkii ii soo horseeday xisbiga laftigiisa iyo arrinkan aan galayba. Shuruudo badan oo ay igu xidheen oo runtii aanan qaarkood raalli ka ahayn ayaa laygu kalifay, waxaanan dareemay inay goobtani tahay meel shacbi wanaagsan iyo gudiyo fiican haysata laakiin ay hogaankeedii u sareeyay raacaynin sharciyaddii lagu heshiiyey ee ay hore u qorteen. Kolay Gabaygani waa hor-dhac waraysigayguna wuu ka danbeeyn doonaa Inshallah anigoo si fiican u qaadaa dhigi doono xaallada taagan haddii Ilaaha awooda lihi uu igu simo. Anigoo weli wax badan xeerinaya ayaan Gabaygan ku soo hal qabsaday Axmed Aaden Ismaaciil  (Axmed Keyse) oo ah kusimaha  xoghayaha guud ee xisbiga UDUB oo markaan warkaasi maqlay ka hubinaayey isaga xaqiijinta warkaasi. Haddaba wuxuu yidhi: Anoo xog badan haynin baan UDUB, xaajadeed galaye Waxan xalay xiddigaha tiriyoon, xeradda eegaaba Waxaan xilkaskii xisbiga UDUB, xaashi ku dhigaaba Xeer-beegtiddii xisbiga waxaan, xulafo raadshaaba Waxaan xasuustii Keeysoow, tallo ku xiiqaaba Walee adiyo rag kalaan xurmadda, xubin xubin u siiye Xayndaab nin laga dhigtiyo adaa, xusulo dhaadheere Xalaawaad nin helaayabaa, xaajo meel marine Nin hadduu xaqaaga duudsiyo, looma duur xule e Warkuun ii hormari xoghaye, waan xujeeysnahaye, Xayawaankuba waxa uu gala, xaafad gooniya e Waa dar aan xeerar iyo lahayn, xaakim iyo sheekhe Xisbigu sharci buu leeyahiyo, xeerar gooniya e Waa astaan geed lagu xardhoo, lagu xushmeeyaaye Xaajigii Rashiid iyo raggii, xukunka keenaayey Raggii xeel-dheeri gartaa, xarafka feeygaaray Gaagaaliyo xisbiyahannaddii, xididka beeraayey Xaqii Maxamuud Siciid yidhee, xalayto lay sheegay Idiris baa xasuus ka tegiyo, xaragadiisiiye Cumar Jaamac, Hodan iyo xulkii, xagarka diidaayey Xisti niman lahayniyo Abiib, xaakim ina Daahir Xubnihii Mingistiyo lahaa, Xaaji Ina Daa’uud Hindi xeegadiisiyo halkuu, xawda kaga gooyey Ina Cabdi Malow xalkuu waday, waa xadiis dhaba e Xildhibaan Ayaanliyo Jirdiyo, xulashaydeediina Xawaareeyiyo Ina Cigaan, weli u xiisoone, Cali Gurey haddalkuu xushaye, hoosta ka xariiqay Xaamudiyo Dabliyo Miiganiyo, Xaakim Ina Yuufle Barkhadiyo Tallaabiyo xertii, waa u xogogaale Laba Diiriyiyo xidigyaddii, xaawle Ina Qaasim Xildhibaan Garaadiyo Gadhweyniyo, xulufaddii Shiine Xeerbeegti Ina Yaasiniyo, Xasanaddii fiicnaa Raggii gardaradda xayndaabaye, xeerar ku wareejay Waxaan xasuustii Keysoow, tallo ku xiiqaaba Waxaan xifaallaha dareenkii, xalayto reemaaba Walee adiyo rag kalaan xurmadda, xubin xubin u siiyey, Kuwii kibir xuuraamiyee, xanaf wareeraayey Iyo dar xariifnimo sheegtayoo, xabag sideedaa ah Iyo duul beerkiyo xaydhaba, xulashadeed diiday Xaqiiqduba uma muuqatoo, mana xishoodaane, Xurmo badan nimaad siisayoo, kuna xumeeynaaya Iyo nimay xaajo meel u taal, looma duur xullo e Odaytinimo xisbigaan bidayaye, xulatay laabtaydu Xisbigaan dartii u xiiqaye, uba xajiimoobay Xisbigaan xoog iyo xoolaba, xuubka ku idleeyay Hadday xaakimaddii hor fadhiyey, xoollo ka rabaane, Riyaallan xogtiisii heloo, xuurto beegsadaye Nimankii xisbiga laba listee, xoorka ka dhamaayey Xaalad abuur iyo waxay wadaan, xasaradoodiiye Xurguf waxay caddeeysteen bal eeg, xaqa la diidaayo Xinjirtii cas miyaa lagu murmaa, midabka xoogeeysan Xishoodku wuxuu qayb ka yahay, xididadeenaase Ninkaygii xisbiga u hiishaybay, ximi yidhaahdeene Nin hadduu xaqaaga duudsiyo, looma duur xullo e Warkuun ii hormari xoghaye, waan xujeeysnahaye, Xisbigu sharci buu leeyahiyo, xeerar gooniya e Waa astaan geed lagu xardhoo, lagu xushmeeyaaye Bini aadam xad buu leeyahiyo, wuxuu u xeertaaye Nina keligii ma xuurteysan karo, tallo xisaabteede Waa in xumaanta ka dhiidhinaa, xarakadeedaase Nin xasanaad doonayaa si kale, uma xadreeyeene Ninkaa xaqaygii laalaye, xeerka jebinaaya Xaq-soor inuu noqdaan rabee, rag is xiniin taabay, Dalkii in loo xuub-siito buu, xaaji sugayaaye In loo xusul duubto aayahay, umaddi xiiseeyne Xigaalkaan kasbaday reer UDUB, xulufo weeyntiina Dadkii taageeradaa xasilan, xarakadaas keenay Salaan xushmad lehiyo iiga gee, xarafka diimeedna, Wa Bilaahi Tawfiiq: Ilaahay wanaaga hayna garansiiyo; Gabayga waxa tiriyey: Jamaal Cali Xuseen abdighani mohamoud omer(cmc) cabdiganimc@gmail.com